Բացահայտեք Լոռու ինքնատիպ համերը
Ընդամենը մեկ այցի ընթացքում հնարավոր չէ ծանոթանալ Լոռուն բնորոշ համային բոլոր փորձառություններին, չէ՞ որ տարածաշրջանը հայտնի է իր բացառիկ խոհանոցով, գինով և ագրոտուրիզմով։ Ահա գաստրոնոմիական մի քանի ուղղություն, որոնք ձեզ շատ դուր կգան։
Կոնցեպտ ռեստորան | Անկախ նրանից՝ դուք եկել եք այստեղ նախաճաշելու, ճաշելու կամ ընթրելու, գաստրոնոմիական անմոռանալի ճամփորդությունն ապահովված է: Վայելեք նորարականի և ավանդականի համադրությունը խոհանոցում, որտեղ յուրաքանչյուրը կգտնի իր նախասիրություններին համապատասխան ճաշացանկ:
Վարպետության դաս | Տարածաշրջանի մշակույթին ավելի խորքային ծանոթանալու համար ամրագրեք հայկական ավանդական ուտեստների պատրաստման հետևյալ վարպետության դասերից մեկը (կամ մի քանիսը).
– Հայկական գաթայի պատրաստում
– Հացի թխում
– Ղափամայի պատրաստում
– Թանապուրի (սպաս) պատրաստում
– Արիշտայի պատրաստում
Գինու և պանրի համտես | Բացահայտեք կաթնամթերքի ֆերմերային տնտեսությունները, որտեղ տեղի են ունենում տարաբնույթ համտեսներ: Այստեղ հնարավոր է համտեսել հայկական ձեռագործ պանիր՝ համադրված տեղական գինիների յուրահատուկ ու նրբաճաշակ համերի հետ:
Մեղրի պատրաստում | Ծանոթացեք մեղվաբուծության քաղցր ավանդույթներին Հայաստանի հյուսիսում և փորձեք թարմ, անմշակ մեղր:
Ազնվամորու բերքահավաք ՍՄԱՐԹ ավանում | Մոտ եղեք բնությանը՝ մասնակցելով ազնվամորու բերքահավաքին: Այն սեզոնային է, անհրաժեշտ է նախապես ճշտել մեր կոնսիերժ-ծառայությունից:
